黃金投資:實物黃金 上
10/12/2019
呢一排唔單止香港,全世界嘅股市都呈現向下趨勢。喺全球經濟不穩、股市持續波動嘅環境,好多投資者都傾向投資黃金,皆因價格相對穩定,絕對係萬年保值之選!👍🏻 👍🏻
講到投資黃金,最為人熟知嘅方法必定係買賣實物黃金,今次就先同大家講解吓實金嘅基本概念啦
💡點樣可以知道手上嘅黃金值唔值錢?
國際公認黃金成色達到99.5%以上就可以視為純金,有保值用途,我哋喺實金產品前見到嘅「9999」或者「999」,前者代表黃金純度達99.99%,後者代表達99.9%。
💡市場上有邊類實金產品可供購買?
最基本嘅實金產品有金粒同金條,呢類產品溢價較低,只要金價稍微上升,投資者好容易就會賺到錢。
金幣因為有鑄造費,所以金價嘅升幅相對要更加高,投資者先開始會有利潤。
有部份上一代嘅人會購買飾金保值,例如金鏈、金手鐲、金戒指等,但係要留意飾金會收取手工費及火耗費,溢價較高,投資者嘅利潤又會少咗。
💡實金產品嘅重量單位同價格係?
一般實金金粒同金條以両為重量單位,現今1両約港幣14,000至16,000元,而金條主要係5両或以上,1公斤(26.45両)嘅9999金條價值接近40萬。
金幣通常用安士做重量單位,當中仲可以再分拆做1/2、1/4、1/10同1/20安士,其中一種最受歡迎嘅金幣 - 加拿大楓葉金幣,純度99.99%至99.999%,1安士嘅價格圍繞12,000至13,000元,。
飾金方面都係用両做重量單位,足金飾品價格喺16,000至17,000元之間。
對於買賣實金嘅資訊,大家係咪仲未夠喉呢?🤤嚟緊會繼續介紹實金,記得要留意啦!🙌🏻
#N2NAFE #股市知多啲 #黃金投資 #實物黃金